Од најрана возраст бев вљубеник кон пчелите и нивната енергија која не запира по 24часа на ден. Тогаш, љубовта на моите родители кон пчеларството многу брзо се пренесе кај мене и стана моја пасија. Кога бев малечок сакав да го работам ова, но не бев ни замислил дека еден ден ќе ми се оствари желбата да бидам пчелар и производител на мед. Почнав со учење како се гради дом за пчелите. Со помош на татко ми ги изработувавме нивните куќички, за подоцна да соберам храброст и без никаква заштита да можам да бидам во контакт со нив и да им помагам во процесот на создавање. Денес, неколку години подоцна сум тинејџер и со помошта на неколку блиски роднини, пријатели и компании успеав да создадам мал бренд кој ќе ја обележи мојата љубов кон природата, пчелите и создавањето на вкусно задоволство. Па така, Buzzin не е обичен мед, туку една приказна која јас со мојот татко ја создаваме со традиција. Желбата ми е Buzzin да биде симбол за квалитет кој ни го дава природата, но за да се оствари мојата желба потребна ми е Вашата поддршка и препорака. Така што, ако сте задоволни од вкусот на Buzzin, помогнете час поскоро да се расчуе за мојата приказна. Споделете со Вашите пријатели и одвојте неколку минути за да напишете коментар на социјалните мрежи. Се радувам на секој Ваш коментар и секој нов коментар ми е уште поголем мотив да го работам ова со полна енергија. Од срце ви благодарам на довербата, Ѓоко – Buzzin.mk